Heydər Əliyevin 100 illiyinə həsr olunmuş dərs
Məktəbin 5 "C" sinfində Azərbaycan dili və ədəbiyyat müəllimi Ülviyyə Abdullayevanın təşkilatçığı ilə Azərbaycan xalqının Ümummilli Lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr edilmiş xüsusi dərs keçirilib. Əvvəlcə Ümummilli Lider Heydər Əliyev və Vətən uğrunda canından keçən şəhidlərin əziz xatirəsi bir dəqiqəlik sükutla yad edilib. Sonra Heydər Əliyevin siyasi, təhsil və şəxsi həyatı haqqında məlumatlar verilib, yaradıcılığı barədə çıxışlar, təqdimatlar dinlənilib.
