Tolerantlıq, Multikulturallıq, Həmrəylik
Binəqədi rayon orta ümumtəhsil məktəbləri arasında "Multikulturalizm ili"nə həsr olunmuş "Tolerantlıq, Multikulturallıq, Həməylik" adlı məktəblərarası yaradıcılıq müsabiqəsinə qatılan Q.Baxşıyev adına 179 saylı orta məktəbdə 26.12.2016-cı il tarixində eyni başlıq altında tədbir keçirildi. Tədbirdə Azərbaycanda yaşayan azsaylı xalqların adət-ənənələri, mahnı və rəqsləri, hər millətin dilində şeirlər, tarixi əks etdirən kiçik səhnəciklər nümayiş etdirildi. Tədbir Ulu Öndər Heydər Əliyevin həmrəylik günü və multikulturallıq haqqında olan çıxışının nümayişi ilə sona çatdı. Onu da qeyd edək ki, tədbirdə iştirak edənlər, (etnik qrupu təmsil edənlər) həqiqətəndə məktəbdə çalışan və təhsil alan azsaylı xalqların nümayəndələri idi.
