20 Yanvar Qan Yaddaşımız
19. 01. 2023 - cü il tarixdə Q.Baxşıyev adına 179 nömrəli tam orta məkəbin Azərbaycan dili və ədəbiyyat müəllimi Könül Nəzərovanın təşkilatçılığı ilə 20 Yanvar faciəsinin otuz üçüncü ildönümünə həsr olunmuş tədbir keçirilib. Dövət Himnimizin səsləndirilməsi ilə başlayan tədbirdə 20 Yanvar şəhidlərinin xatirəsi bir dəqiqəlik sükutla yad edilib. Şagirdlər öz çıxışları ilə doğma Azərbaycanımızın taleyini, azadlığını, şərəf və ləyaqətini uca tutan vətən oğul və qızlarını yad ediblər. Daha sonra şagirdlər tərəfindən faciəni əks etdirən şeirlər, mahnılar səsləndirilib, videoçarxlar göstərilib, səhnəciklər nümayiş etdirilib. Tədbirin sonunda Bakı Şəhəri üzrə Təhsil İdarəsinin böyük məsləhətçisi, məktəbin direktor səlahiyyətlərini müvəqqəti icra edən Tural Hətəmov çıxış edərək belə tədbirlərin şagirdlərdə milli qürur hissinin formalaşmasında oynadığı müstəsna roldan danışıb, həmçinin vətənpərvərlik təbliği baxımından bu cür tədbirlərin davamlı olaraq keçirilməsinin əhəmiyyətindən söz açaraq şagirdləri vətənpərvərliyə səsləyib
