20 Yanvar faciəsinə həsr olunmuş dəyirmi masa
19. 01. 2023- cü il tarixdə məktəbin Azərbaycan dili və ədəbiyyat müəllimi Zöhrə Kazımlı və ibtidai sinif müəllimi Arzu Əliyevanın təşkilatçılığı ilə 7”B” və 1"A” siniflərində 20 Yanvar faciəsinin 33-cü ildönümünə həsr edilmiş “Qanlı Yanvar” adlı dəyirmi masa keçirilib. Azərbaycanımızın azadlığı və müstəqilliyi uğrunda canını qurban vermiş şəhidlərimizin xatirəsi böyük ehtiramla yad edilib. Müəllimlər 20 Yanvar faciəsi haqqında şagirdlərə məlumat veriblər. Şagirdlərə bildirilib ki, 20 Yanvar faciəsi öz azadlığına, müstəqilliyinə can atan xalqımızın mübarizliyini, əyilməzliyini, məğrurluğunu təcəssüm etdirir. Həmçinin şagirdlər tərəfindən faciənin 33-cü ildönümünə həsr olunmuş rəsm və bulletenlər hazırlanmışdır
