"Kiçik Akademiya" üzvlərinin təqdimatı keçirilib
Məktəbdə fəaliyyət göstərən "Kiçik Akademiya" nın payız sessiyasına start verilib. Məktəbin kimya müəllimi Yeganə Nəbiyevanın rəhbərliyi ilə XI "A" sinif şagirdləri Vasif Şahbazov, Ağahüseyn İsayev, Rəqsanə Hacıyeva, Aynurə Əzimova "Təbii suların çirklənməsi və onun qarşısının alınması üsulları" mövzusunda araşdırmalarını təqdim ediblər. Sonda fənn müəllimləri şagirdlərin araşdırmalarına münasibət bildiriblər. "Kiçik Akademiya" nın tərkibində humanitar, təbiət, texniki və digər elmi istiqamətlər üzrə bölmələr fəaliyyət göstərir. Akademiyanın təşkil olunmasında məqsəd şagirdləri elmi araşdırmalara sövq etməkdən ibarətdir.
