Ulu öndərin anım gününə həsr olunmuş tədbir
12.12.2016-cı il tarixində 179 saylı tam orta məktəbdə Ümummilli lider, Ulu Öndər Heydər Əliyevin anım günü qeyd edildi. Azərbaycanın dahi oğlu Heydər Əliyevin Azərbaycan dövlətinin yaradılmasında və inkişafında əvəzsiz rolu olmuşdur. Məktəbimizdə keçirilən tədbirdə tarix müəllimləri Familə Abdullayeva, Zöhrab Səfərov çıxış edərək böyük dövlət xadiminin həyat və fəaliyyətindən danışdılar. Məktəb kollektivi Heydər Əliyevin keçdiyi şərəfli həyat yoluna nəzər saldı. Sonra Ulu Öndərin həyatının müxtəlif dövrlərini əks etdirən fotoşəkillər, müxtəlif slaydlar nümayiş etdirildi. Yuxarı sinif şagirdləri məruzələr edərək çıxış etdilər. Kiçik yaşlı məktəblilər isə dahi rəhbər haqqında mahnılar oxuyub, şeirlər söylədilər.
