Gəncə terroruna həsr olunmuş dərslər
11 oktyabr tarixində məktəbin coğrafiya müəllimi Gülmirə Gözəlovanın təşkilatçılığı ilə 9 "D" sinfində Gəncə terrorunun ilönümünə həsr olunmuş xüsusi dərs keçirilib. Dərs zamanı Gəncədə 11 oktyabr 2020-ci ildə ermənilərin törətdiyi terror aktı nəticəsində şəhid olmuş dinc sakinlərin timsalında Vətən müharibəsinin bütün şəhidləri yad edilib. Dərs zamanı terrorun şəhərimizə vurduğu ziyanın görüntüləri əks olunmuş videoçarx nümayiş olunub. Şagirdlər hadisələr barədə öz çıxışları ilə məlumatlar veriblər. Müəllim şagirdlərə əlavə məlumatlar verməklə terror aktının bütün məqamları ilə onları tanış edib.
