Şəhid olmuş müəllimlər yad edildi
03.10.2022 - ci il tarixində məktəbin 8"D" sinfində Xanım Cəfərovanın Coğrafiya dərsi şəhid müəllimlərimizin və şəhid təhsil işçilərimizin savaş yoluna həsr olundu. Əvvəlcə şəhidlərin xatirəsi birdəqiqəlik sükutla yad edildi. Ərazi bütövlüyümüzün səbəbkarı olan, düşmənin başını əzən, torpaqlarımızdan mənfur düşməni təmizləyən ordumuz ilk gündən sonadək eyni ruh yüksəkliyi,eyni əzmlə döyüşdü. Bütün peşə sahibləri vətənin azadlığı ərazi bütövlüyü yolunda səfərbər oldu. Bu səfərbərlik yolunda vaxtilə hərbi xidmətdə fərqlənən müəllimlərimiz, təhsil işçilərimiz də sinəsini düşmən qarşısında sipər etdi. Vətənin çətin günündə, mübarizə günündə, geri çəkilmədilər. Vətən övladlarının sülh əmin-amanlıq şəraitində təhsil alması, bütöv Azərbaycan ideyası uğrunda birləşdilər. Dərs zamanı şagirdlər şəhid müəllimlərimizin xatirəsinə həsr olunmuş müəllim haqqında şeir söylədilər, videoçarx təqdim etdilər. Şəhid Famil Əhmədzadə haqqında təqdimatda Famil müəllimin uşaqlığından, məktəb illərindən, tələbəlik illərindən, müəllim kimi fəaliyyət göstərdiyi dövrdən və şərəfli döyüş yolundan bəhs edildi.
