Avropa çempionumuz Elçin Eminovla görüş keçirildi
Q. Baxşıyev adına 179 nömrəli tam orta məktəbdə Uşu - sanda idman növü üzrə Avropa çempionu, məktəbmizin məzunu olmuş Elçin Eminov ilə məktəblilərin görüşü keçirilib. Tədbirdə Binəqədi Rayon Gənclər və İdman İdarəsinin baş məsləhətçisi Elvin Quliyev, məktəbin direktoru B. M. Novruzova, və müəllimlər iştirak etmişdir. İlk öncə şəhidlərimizin xatirəsi bir dəqiqəlik sükutla yad edilib. İdarənin baş məsləhətçisi Elvin Quliyev tədbir iştirakçılarını salamlayaraq tədbirlə bağlı məlumat verib və idmançımızın ümumi idman nailiyyətlərindən söz açıb. Daha sonra söz Elçin Eminova verilib və o, idman karyerası və qazandığı nailiyyətlər barədə şagirdlərə məlumat verib. Tədbirdə idmançımız tərəfindən şagirdləri maraqlandıran suallar cavablandırılıb. Sonda idmançımız şagirdlər və pedaqoji heyət ilə xatirə şəkilləri çəkdirib.
