Bayraq günü
10.11.2016-cı il tarixində Binəqədi rayonu Q.Baxşıyev adına 179 saylı məktəbdə “Bayrağımız, qürurumuz, birliyimiz" adlı 9 Noyabr bayraq gününə həsr olunmuş möhtəşəm bayraq tədbiri keçirildi. Tədbirdə Azərbaycan Təhsil Şurasının sədri, professor Əjdər Ağayev qonaq olmuşdur. Tədbir ibtidai siniflər üzrə 2b sinfi və rus bölməsi üzrə 6r sinif şagirdlərinin iştirakı ilə baş tutmuşdur. Şagirdlərin böyük məharətlə hazırladıqları "Lələtəpə" səhnəsinin canlandırılması, vətənə aid şeirlərin səhnələşdirilməsi, bayrağımızın rəng-rəng parçalarla açılması və bir çox mahnı, şeir kompozisiyaları onların vətənə, torpağa, bayrağa sonsuz sevgi və sədaqətlərini ifadə edirdi. Şagirdlərin hər birinin ifası izləyicilər tərəfindən böyük ruh yüksəkliyi ilə qarşılanmışdır. Tədbir haqqında daha ətraflı "Təhsil və Zaman" qazetində bəhs olunacaq.
