9 May Qələbə Günüdür
Q. Baxşıyev adına 179 nömrəli tam orta məktəbdə 9 May Qələbə Günü münasibətilə xüsusi dərslər keçirilib. Faşizm üzərində qələbənin 77 - ci ildönümü fəxrlə yad olunub. Əfsanəvi partizan Xarqo ləqəbli, Avropada Armed Mişel kimi tanınan Əhmədiyyə Cəbrayılov və oğlu Qarabağ müharibəsi qəhrəmanı Mikayıl Cəbrayılovun keçdiyi döyüş yolu haqqında şagirdlərə geniş məlumat verilib, qəhrəman Azərbaycan oğullarının şücaətindən söhbət açılıb. Şagirdlər təqdimatlarında Azərbaycanın faşizm üzərində tarixi Qələbəyə sanballı töhfələr verdiyini qeyd ediblər. Eyni zamanda müzəffər Azərbaycan ordusunun tarixi qələbəsi haqında danışılıb. Qəhrəman oğullarımız qürur hissi ilə yad edilib.
