Kompüter əsri olsa da, kompüterin əsiri olmayaq
05.05. 2022 - ci il tarixdə məktəbin informatika müəllimi N. Hüseynlinin təşkilatçılığı ilə 7 "B" sinifində "Kompüter əsri olsa da, kompüterin əsiri olmayaq" mövzusunda nümunəvi dərs keçirilib. Gənc nəslin kompüterdən və internetdən kortəbii şəkildə, yerli - yersiz istifadəsi səbəbindən yaranmış fəsadlar barədə şagirdlərə geniş məlumat verilib. Kompüterin müasir zamanda nə dərəcədə əhəmiyyətli olduğu ilə bərabər eyni zamanda onun fəsadlarından, insan sağlamlığına vurduğu ziyandan, düzgün istifadə etmədikdə yaratdığı problemlərdən danışılıb.
