Aprel döyüşləri bizim şanlı qələbəmizdir
01.04. 2022 - ci il tarixdə məktəbdə Aprel döyüşlərinin 6 - cı ildönümü münasibətilə xüsusi dərslər keçirildi. Məktəbin tarix müəllimi F. Abdullayeva tarix dərslərini Aprel döyüşləri və bu döyüşlərin qəhrəman şəhidlərinə həsr etdi. Müzəffər ordumuzun azad etdikləri strateji yüksəkliklər, yaşayış məntəqələri ilə şagirdləri tanış etdi, Aprel döyüşlərində azad olunmuş Tərtər rayonunun Talış rayonu ətrafındakı yüksəkliklər, Cəbrayıl rayonunun Lələtəpə yüksəkliyi, Cocuq Mərcanlı, Goranboy rayonunun Gülüstan kəndi və Tərtər rayonunun Madagiz kəndi istiqamətində bəzi mövqeləri haqqında şagirdlərə ətraflı məlumat verdi. Aprel döyüşləri və bu döyüşlərdə həlak olmuş şəhid oğullarımızın, qələbəsi ümumiyyətlə Milli Ordumuzun qələbəsi, böyük zəfərin başlanğıcı kimi şagirdlərə təbliğ olundu.
