" Bahar çələngi" layihəsi davam edir
Q. Baxşıyev adına 179 nömrəli tam orta məktəbdə "Poeziya Yarpaqları" ədəbiyyat dərnəyinin rəhbəri P. Seyidovanın təşkilatçılığı və 10 - cu sinif şagirdlərinin iştirakı ilə "Novruz çələngi" adlı tədbir keçirildi. Şagirdlər Novruz bayramının dünyada necə qeyd olunması, adət - ənənələr haqqında maraqlı məlumatlar səsləndirdilər.Daha sonra " Arşın mal alan" və "Qayanana" filmindən, "Gəlinlər" və O, olmasın bu olsun" tamaşasından hazırlanan səhnəciklər, eləcə də kosa, keçəl, baharqızı personajları tədbirə xüsusi maraq qatdı. Eyni zamanda bayramın, ən gözəl adətlərindən bir neçəsi: yumurta döyüşmək, şəkərbura, paxlava hazırlamaq, bayram haqqında bayatılar söyləmək və s, adətlərin səhnələşdirilməsi böyük maraqla qarşılanıb. Şagirdlərin ifasında hakışdalar və Novruz bayramına həsr olunmuş şeirlər, mahnılar səsləndirilib. Sonda məktəbin direktoru Bayaz xanım Novruzova şagirdləri və bütün Azərbaycan xalqını bayram münasibətilə təbrik edib və xoş arzular diləyib.
