8 Mart - Beynəlxalq Qadınlar Günü
Binəqədi rayon Q. Baxşıyev adına 179 nömrəli məktəbdə 8 Mart " Beynəlxalq Qadınlar Günü" qeyd olundu. Məktəbdə fəaliyyət göstərən " Poeziya Yarpaqları" ədəbiyyat dərnəyinin istedadlı və bacarıqlı üzvləri məktəbin bütün pedaqoji və texniki işçiləri özünəməxsus şəkildə təbrik etdilər. Dənək üzvlərinin bir qismi ifa etdikləri musiqi sədaları altında təbrik yazılmış açıqcaları bütün kolletivə təqdim edərək onların sevincinə səbəb oldu. Eləcə də məktəbin dil - ədəbiyyat müəllimi Z Tağıyevanın təşkilatçılığı ilə " Beynəlxalq Qadınlar Günü" nə həsr olunmuş tədbir keçirildi. Tədbirdə məktəbin müəllim və şagird kollektivi iştirak edirdi. Məktəbin direktoru B. M. Novruzova kollektivi təbrik etdi. Tədbir Z. Tağıyevanın şagirdlərlə hazırladığı şeir və bədii kompozisiya ilə yekunlaşdı.
