5 oktyabr Beynəlxalq müəllimlər günü
Dünyanın bir çox ölkəsində eləcə də respublikamızda oktyabr ayının 5-i "Beynəlxalq Müəllimlər Günü” kimi qeyd olunur. Hər il olduğu kimi bu il də Binəqədi rayonu Q.Bəxşıyev adına 179 nömrəli tam orta məktəbdə bu əlamətdar gün öz fərqliliyi ilə yadda qaldı. Belə ki, məktəbdə fəaliyyət göstərən “Poeziya yarpaqları” ədəbiyyat dərnəyinin istedadlı və bacarıqlı üzvləri öz müəllimlərini peşə bayramı münasibətilə özünəməxsus şəkildə təbrik etdilər. Dərnək üzvlərinin bir qismi ifa etdikləri musiqi sədaları altında müəllimlərini məktəbin foyesində qarşılayaraq, bir qismi isə təbrik yazılmış açıqcaları müəllimlərə təqdim edərək onların sevincinə səbəb oldu. Şagirdlərin bu təbriki müəllimlərin ürəyincə oldu.
