Azərbaycan Respublikasının Dövlət bayrağı Azərbaycan dövlətinin suverenliyi rəmzidir.

9 Noyabr Azərbaycanda Dövlət Bayrağı Günüdür. Azərbaycan prezidenti İlham Əliyevin 2009-cu il noyabrın 18-də imzaladığı sərəncamla 9 Noyabr tarixi Dövlət Bayrağı Günü kimi qeyd olunur. Ölkəmizin üçrəngli bayrağı dövlət rəmzi olaraq Azərbaycan Xalq Cümhuriyyəti hökumətinin 1918-ci il 9 noyabr tarixli iclasında qəbul olunub. 1920-ci ilin 28 aprelində Xalq Cümhuriyyəti süqut edəndən və Azərbaycan sovetləşəndən sonra respublikanın üçrəngli bayrağı da dəyişdirilərək qırmızı sovet bayrağı ilə əvəzlənib. 1991-ci il fevralın 5-də həmin ildə müstəqilliyini elan etmiş Azərbaycan Respublikasının Ali Sovetinin qərarı ilə üçrəngli və ay-ulduzlu bayraq yenidən Azərbaycanın dövlət bayrağı elan edilib. Müstəqil Azərbaycanın dövlət bayrağındakı üç rəngin ifadə etdiyi və XX əsrin əvvəllərindəki milli istiqlal ideologiyamızın üç təməl prinsipini təşkil edən “Türkçülük, islamçılıq və müasirlik” düsturunun müəllifi görkəmli Azərbaycan mütəfəkkiri Əli bəy Hüseynzadədir. “9 Noyabr Azərbaycan Dövlət Bayrağı Günü” ilə əlaqədar 178 nömrəli məktəbin şagirdləri ilə birgə möhtəşəm tədbir keçirildi.Tədbirdə şagirdlərimiz tərəfindən “ Bayraq günü “nün  yaranma tarixi haqqında ətraflı məlumat verildi.Üçrəngli bayrağımıza həsr olunan şeirlər səsləndi, şagirdlər bu gün ilə bağlı əldə etdikləri bilikləri yoldaşları ilə bölüşdülər. Sonda tədbirimizdə iştirak edən tədris işləri üzrə direktor müavinləri N.Məzburə,C.Ülviyyə,Ə.Tarverdiyev və tarix müəllimi H.Azər müəllimin ürək sözlərini şagirdlər ilə paylaşmaları “Azərbaycan Dövlət Bayraq  Günü” nə olan diqqətimizin ən böyük təcəssümüdür. Tədbir iştirakçıları qarşısında çıxış edən məktəbin direktoru,professor Abışov Nasim müəllim şagird və müəllim heyətinə təşkil etdikləri tədbirə görə minnətdarlığını bildirdi.

  • h.a
  • i.a
  • fond
  • bakuedu
  • virtual_qarabaq
  • virtual_qarabaq
  • kurrikulum
  • MƏNİM MƏKTƏBİM
  • Azərbaycan müəllimi qəzeti
  • Sabahın alimləri layihəsi