178 №-li tam orta məktəb

20 Yanvar tarixi, Azərbaycan xalqının silinməz yaddaşına çevrilmiş qanlı və şanlı bir hadisədir. Məktəblərdə “20 Yanvar”a həsr olunmuş tədbirlərin təşikili ən vacib məsələlərdən hesab olunur və təsadüfi deyil ki, şagirdlər bu anım günlərində iştiraka böyük həvəslə yanaşır.

Bu gün məktəbimizin təşkilati işlər üzrə direktor müavini və tarix müəllimləri şagirdlərlə mövzu ilə bağlı dəyirmi masa keçirdilər. Şəhidlərimizin ruhu bir dəqiqəlik sükutla yad edildi.

35-ci ildönümünü qeyd etdiyimiz Yanvar hadisələrindən müasir Azərbaycanın hər bir yeniyetmə və gənci xəbərdardır. Bu gün hüzn günü olsa da bu gənclər 20 Yanvarın əslində qürur mənbəyi olduğunun da fərqindədirlər.

Məktəbimizdə 6-7-8 - ci siniflərdə 20 Yanvar fəciəsinə həsr olunmuş divar qəzetləri hazırlandı.

Şagirdlər o qanlı gecənin şəhidlərinin bu günki müstəqilliyin əsas carçıları olduğunu bilir və öz növbələrində 20 Yanvar həqiqətləri haqqında hər kəsi məlumatlandırmağı özlərinə vəzifə bilirlər elə bu məqsədlə məktəbimizdə “Yanvar həqiqətləri” başlığı altında təşkil olunan divar qəzetinin tərtibində məktəb şagirdləri böyük həvəslə iştirak etdilər.

Məktəbimizdə bu qismə aid olub, ənənə halını almış tədbirlərdən biri də “Qanlı Yanvar şagirdlərin gözü ilə” adlı rəsm sərgisidir. Sərgidə məktəb şagirdlərinin “Qanlı gecəni” əks etdirən əl işləri sərgiləndi.

Bu gün məktəbimiz kitabxana müdiri Esmira xanım təşkilatçılığı ilə "20 Yanvar" fəciəsinin 35-ci il dönümünə həsr olunmuş tədbir keçirildi. 5- ci sinif şagirdləri aktiv iştirak edərək, vətənpərvərlik mövzusunda şeirlər söylədilər. Görüşdə məktəbin direktoru Xəyalə Qasımova və təşkilatçı Pəri Nağızadə iştirak etdilər. Məktəbin direktoru çıxış edərək bildirdi ki, şəhidlərimizi qürurla anmaq hər bir Azərbaycan vətəndaşının mənəvi borcudur.

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən təhsil müəssisələrində 20 Yanvar-Ümumxalq Hüzn Gününə həsr olunmuş tədbirlər keçirilib.

Paytaxt məktəblərində 20 Yanvar faciəsinin 35-ci ildönümü ilə əlaqədar “20 Yanvar-Azadlığa gedən yol”, “Vətən şəhidləri heç vaxt unutmayacaq!”, “Tariximizin şanlı səhifəsi” və digər mövzularda konfrans, seminar, mühazirə və “Dəyirmi masa”lar təşkil olunub.

Tədbirlərdə BŞTİ-nin struktur bölmə rəhbərləri, əməkdaşları, təhsil  müəssisələrinin pedaqoji və şagird kollektivləri iştirak ediblər.

Tədbirlər Dövlət Himninin səsləndirilməsi və Vətən şəhidlərinin xatirəsinin bir dəqiqəlik sükutla yad edilməsi ilə başlayıb. Şagirdlərə 1990-cı ilin 20 Yanvar hadisələrinin baş verdiyi tarixi dövr haqqında ətraflı məlumat verilib, xalqımızın azadlıq və müstəqillik uğrunda apardığı mübarizə əsil qəhrəmanlıq nümunəsi kimi dəyərləndirilib.

Qeyd olunub ki, öz suverenliyinə can atan xalqımızın mübarizliyini, əyilməzliyini, məğrurluğunu təcəssüm etdirən 20 Yanvar Azərbaycanın istiqlal yolunun başlanğıcı, milli oyanış günüdür. Milli qürur günü kimi tarixə yazılan 20 Yanvarı və bu tarixi yazanların unudulmaması, hər zaman xatırlanması şagirdlərə tövsiyə edilib.

Şagirdlər 20 Yanvar hadisələrinə həsr edilmiş şeirlər söyləyib, ədəbi-bədii kompozisiyalar nümayiş etdiriblər.

Təhsil müəssisələrində xalqımızın milli qürur günü ilə bağlı xüsusi dərslər, kitab, foto və rəsm sərgiləri, həmçinin pedaqoji kollektiv və şagirdlərin Şəhidlər xiyabanına ziyarəti təşkil olunub.

Məktəbdə 2024-2025-ci tədris ili birinci yarımil üzrə Böyük Summativ Qiymətləndirmənin aparılmasına start verildi. BSQ məktəbin fəaliyyət planına uyğun olaraq təyin olunmuş nəzarətçilərin iştirakı ilə keçirilir. BSQ-lər növbəti həftəyə qədər davam edəcək. Məktəbdə BSQ-nin obyektivliyini və şəffaflığını müşahidə etmək, şagirdlərin rahatlığını təmin etmək üçün lazımi şərait yaradılmışdır.

BSQ-nin keçirilməsində əsas məqsəd müvafiq məzmun və dəyərləndirmə standartları əsasında hazırlanmış vasitələrlə şagirdlərin nəaliyyətlərini üzə çıxarmaq, bilik və bacarıqlarını yoxlamaqdan ibarətdir.

Şagirdlərə uğurlar arzulayırıq!