Heydər Əlirza oğlu Əliyev - Azərbaycanın görkəmli siyasi və dövlət xadimi, Azərbaycan xalqının ümummilli lideri
Elə nadir insanlar var ki, onlar öz həyatını, ömrünü xalqına həsr edir , vətəni tanıdır, şöhrətləndirirlər. Belə insanlar seçilmiş şəxsiyyətlərdir. Ümummilli liderimiz Heydər Əliyev məhz belə şəxsiyyətlərdəndir. Azərbaycanın son otuz ildən artıq bir dövrünü əhatə edən tarixi taleyi ulu öndərimiz Heydər Əliyevin adı ilə bağlıdır. Bu illər ərzində xalqın ictimai-siyasi, iqtisadi və mədəni həyatının bütün sahələrində dirçəliş məhz onun adı ilə əlaqədardır.Heydər Əliyev hakimiyyətdə olduğu bu dövr ərzində daim Azərbaycanın bir dövlət kimi tərəqqisi üçün çalışmış, zəngin mədəniyyəti, böyük tarixi keçmişi ilə həmişə qürur duymuş və gələcək nəsillərin düzgün tərbiyələnməsi, inkişafı istiqamətində diqqət və qayğısını əsirgəməmişdir.Heydər Əliyevin Azərbaycana rəhbərlik etdiyi bu illər tariximizin qızıl dövrü kimi yaddaşlara həkk olunmuşdur. Dünya azərbaycanlılarının ümummilli lideri , dünya miqyaslı siyasətçi Heydər Əliyev hər zaman Azərbaycan xalqının qəlbində yaşayacaqdır. Məktəbimizdə ulu öndərimiz Heydər Əliyevin 94 –cü ildönümünə həsr olunmuş “Dahi ömrü” adlı tədbir keçirildi.Tədbirdə məktəbimizin tarix müəllimləri yaxından iştirak edərək ümummilli liderimiz haqqında ətraflı məlumat verdilər və dahi şəxsiyyət Heydər Əliyevin həyat və fəaliyyətinin tariximizin ən mühüm və şərəfli mərhələsini təşkil etdiyini xüsusi vurğuladılar.Şagirdlərimiz isə ulu öndərimizə həsr olunan maraqlı şerlər söylədilər.Tədbirin sonunda məktəbin direktoru Məmmədov Yusif müəllim Azərbaycanın görkəmli dövlət xadimi Heydər Əliyevin misilsiz xidmətlərindən geniş bəhs etdi, ürək sözlərini müəllim və şagirdlərimiz ilə bölüşdü.
