Ceyhun Hacıbəylı – yazıçı, salnaməçi, jurnalist, tərcüməçi, redaktor
Mühacir ədəbiyyatımızın, tariximizin, publisistikamızın inkişafında və təbliğində müstəsna xidmətləri olan ictimai xadim Ceyhun Əbdülhüseyn oğlu Hacıbəylinin anadan olmasının 125 illiyi tamam olur. Ceyhun Hacıbəyli Azərbaycan ideyasına sadiq mütəfəkkirimiz olub . Milli ədəbi-ictimai fikir tarixinə töhfələr verən Ceyhun Hacıbəyli Azərbaycan xalqının zəngin mədəni nailiyyətlərinin dünyaya tanıdılması istiqamətində səmərəli fəaliyyət göstərib. Məktəbimizdə Ceyhun Hacıbəylinin 125 illik yubileyi ilə bağlı “Ceyhun Hacıbəyli haqqında nə bilirik” mövzusunda ədəbiyyat müəllimlərimizin iştirakı ilə IX-XI sinif şagirdləri arasında müzakirələr, seminarlar təşkil edildi.V-X sinif şagirdlərinin Ceyhun Hacıbəylinin publisistik və nasirlik fəaliyyətinə həsr etdikləri, hazırladıqları divar qəzetləri , guşələr və fotostendlər məktəbin foyesində yerləşdirildi.Həmçinin məktəbin kitabxanasında Ceyhun Hacıbəylinin 125 illik yubileyinə həsr olunmuş maraqlı tədbir keçirildi.Məktəbimizin ədəbiyyat müəllimləri Cəfərova Xınalı və Hüseynova Sədaqət müəllimənin yuxarı sinif şagirdləri ilə hazırladıqları bu tədbirdə Ceyhun Hacıbəylinin həyat və yaradıcılığından geniş bəhs edildi.Xınalı müəllimə şagirdlərə Ceyhun Hacıbəylinin Azərbaycan ədəbiyyatına, publisistikamıza bəxş etdiyi töhfələrdən danışdı.Şagirdlərimiz isə ictimai xadimimiz əsərlərindən, tərcümələrindən nümunələr gətirdilər, əldə etdikləri yeni məlumatları yoldaşları ilə bölüşdülər.
