15 Sentyabr – bilik günü, bilik bayramıdır!
15 sentyabr - Azərbaycanda məktəblərdə yeni dərs ilinin başlandığı gündür. Respublikamızda bilik günü 2004-cü ilə qədər sentyabrın 1-nə təsadüf edirdi. Lakin Azərbaycan Respublikasının Prezidenti İlham Əliyevin 21 avqust 2004-cü il tarixli fərmanı ilə Azərbaycanın bütün təhsil müəssisələrində dərslərin 15 sentyabrdan başlanması qərara alınmış, beləliklə, həmin gün Bilik Günü elan edilmişdir. Respublikamızın bütün təhsil müəssisələrində olduğu kimi məktəbimizdə bilik gününə həsr olunmuş təntənəli tədbirimizin açılışının məktəbimizin direktoru Yusif Məmmədov cənablarının təbriki ilə başlaması, birincilərin şer payları, məktəbimizin tədris işləri üzrə direktor müavini Nağıyeva Məzburə xanımın və tərbiyə işləri üzrə direktor müavini Tarverdiyev Ədalət müəllimin şagirdlərimizə ünvanlanan ürək sözləri tədbirimizin maraqlı, rəngarəng keçməsinə səbəb oldu.
