1 Mart Ümumdünya Mülki Müdafiə Günü
Məktəbimizdə 1 Mart Ümumdünya Mülki Müdafiə Gününə dair 24.02.2020-cü il tarixində hazırlıqla bağlı toplanış keçirildi. Bu tədbirə məktəbin bütün şəxsi heyyəti cəlb edildi.
1 Mart Ümumdünya Mülki Müdafiə günü tədbiri rəhbər sənədlərin tələblərinə uyğun keçirildi .
Mülki müdafiə gününün keçirilməsi ilə əlaqədar məşq iştirakçıları ilə təlimatlandırıcı metodiki məşğələ keçirildi.
Tədbirlər zamanı mülki müdafiə əmlakının, fərdi mühafizə vasitələrinin nümayişini təşkil etmək məqsədilə guşə yaradıldı və şagirdlər sərgi ilə yaxından tanış oldular. Guşənin-sərginin yaradılmasının əsas məqsədi məktəbin bütün şəxsi heyətinə mülki müdafiə ləvazimatlarının iş prinsiplərinin nümayişi və təbliği idi.
Məktəbdə stendlər təşkil olundu. Mülki müdafiə üzrə normativlər yerinə yetirildi.
Tədbirdə şagirdlərin təhlükəsizliyinin təmin edilməsində məktəb rəhbərliyinin üzərinə düşən məsuliyyətdən, bu sahədə aparılan maarifləndirmə tədbirlərinin əhəmiyyətindən, ümumiyyətlə, görülən işlərdən geniş məruzə edildi.
Tədbirimiz çox maraqlı keçirildi. Heç bir neqativ hal baş vermədi.
