Vətən –qürurumuz! Vətən- fəxrimiz ! Vətən -Ana torpağımız!
Hər bir kəs öz vətənini qorumalı, onu sevməli, vətənin qayğısına qalmalıdır.Hər birimiz vətənpərvər olmalı, ana torpağı göz bəbəyimiz kimi qorumağın müqəddəs borcumuz olduğunu bilməliyik. Məktəbimizdə kitabxana müdiri Nazilə xanımın , dərnək rəhbəri Gülnarə xanımın və uşaq birliyi rəhbərinin vətənpərvərlik mövzusunda birgə hazırladıqları tədbirdə şagirdlərimizin vətən, vətənpərvərlik haqqında söylədikləri şerlər, maraqlı musiqi çıxışları, vətənimizin igid, qəhrəman oğulları haqqında ətraflı məlumat vermələri şagirdlərimizin yüksək vətənpərvərlik ruhunda tərbiyələnmələrinin göstəricisidir.Bununla yanaşı məktəbimizin tarix müəllimi Şəhla xanım ilə 7a sinif şagirdlərinin birgə səyi nəticəsində təşkil olunan vətənə,vətənpərvərliyə həsr olunan dəyirmi masada Şəhla müəllimənin aprelin 2-dən 5-dək Azərbaycan və Ermənistan silahlı qüvvələri arasındakı döyüş qarşıdurması zamanı əsgərlərimizin göstərdikləri şücaətdən fəxrlə danışmağı, şagirdlərimizi bu ruhda böyüməyə səsləməsi, hər zaman əsgərlərimizə mənəvi dəstək olmağımızın vacibliyini qeyd etməsi, şagirdlərimizin bu mövzu ilə bağlı sual –cavabda fəal iştirak etmələri və sonda məktəbimizin direktoru Yusif müəllimin qürurverici çıxışı bir daha göstərir ki, vətənimiz Azərbaycan ilə və Azərbaycanımızın mərd oğulları ilə fəxr edirik və daima fəxr edəcəyik.
