"Bütün peşələr yaxşıdır!"
Peşəyönümü işinin təşkili, peşə təhsilinin təbliği məqsədilə texnologiya müəllimi Kəmalə Mehdiyeva "Bütün peşələr yaxşıdır!" devizi altında VII d sinif şagirdləri ilə birgə Xətai Sənət Mərkəzinə ekskursiya etmişlər. Ekskursiya zamanı şagirdlərə “İnsan-bədii obraz” tipli peşələrdən (rəssam, aktyor, heykəltəraş, yazıçı və s.) məlumat verildi, peşəseçimi, peşəyə yiyələnməyin əhəmiyyəti haqqında danışıldı. Sonda Mərkəzdə nümayiş edilən rəsm əsərlərindən ilham alan şagirdlər əllərinə fırça alıb rəssamlığın sirləri ilə yaxından tanış oldular.
