1 DEKABR ÜMUMDÜNYA QİÇS-LƏ MÜBARİZƏ GÜNÜNƏ AİD SEMİNAR-DƏRS KEÇİRİLDİ
1 dekabr Ümumdünya QİÇS-lə mübarizə günüdür. Bu münasibətlə 2 dekabrda rus bölməsinin 8 ”A” sinif şagirdləri ilə biologiya müəllimi Tahir Həmzəyev tərəfindən seminar-dərs təşkil edilmişdir. Seminar–dərs zamanı “QİÇS-ə yoluxma və onun profilaktika üsulları ” haqqında şagirdlərə geniş məlumat verildi. Hazırlanmış prezentasiya və videoçarxlar şagirlər tərəfindən çox maraqla qarşılandı. Sonda şagirdlər öz çıxışlarında QİÇS-in insan orqanizminə vurduğu zərərlərdən danışdılar və "QİÇS-ə yox!” şüarını səsləndirdilər.
