17 №-li tam orta məktəb

   ,,Mazarina Trade Company tərəfindən BŞTİ-nə daxil olmuş 11.03.2024-cü il tarixli,MTCO05/24(08.12.2022-ci il tarixli,3-29-59/1-572/2024 qeydiyyat nömrəli)məktubuna əsasən 22 apreldə “Reproduktiv sağlamlıq” mövzusunda məktəbin VI  və VII sinif qızlarına Elm və Təhsil Nazirliyinin əməkdaşları psixoloq Zalə Mirsaab və layihə rəhbəri Fəridə Fərziyeva tərəfindən maarifləndirici söhbət təşkil edildi.Zalə xanım ,,Reproduktiv sağlamlıq” onun funksiyaları və yalnız xəstəlik problemlərin olmaması deyil, həmçinin fiziki, sosial-demoqrafik vəziyyəti haqqında geniş məlumat verdi.Bugünkü sağlam yeniyetmələr növbəti 10-15 ilin demoqrafik vəziyyətini təyin edəcəklər.Bunun üçün valideynlər övladlarını yeniyetmə uşaqların cinsi sağlamlığı barədə vaxtında və düzgün məlumatlandırılmalı, gələcəkdə sonsuzluğa və infeksion xəstəliklərə yoluxmaya səbəb ola biləcək amilləri göz ardı etməməlidirlər.Tədbir şagirdlər tərəfindən maraqla qarşılandı.

“Ümumi təhsil müəssisələrinin VIII-IX siniflərində reproduktiv sağlamlıq mövzusunda məşğələlər üzrə metodiki vəsait” Azərbaycan Respublikasının Prezidentinin 07 iyul 2011-ci il tarixli 1621 nömrəli Sərəncamı ilə təsdiq olunmuş “Azərbaycan Gəncliyi 2011-2015-ci illərdə” Dövlət Proqramının 6.6.3-cü bəndinin, Azərbaycan Respublikası Nazirlər Kabinetinin 2020-ci il 23 iyun tarixli 213 nömrəli Qərarı ilə təsdiq edilmiş “Gənclər arasında ailənin və nikahın əhəmiyyəti, onun qorunması,və möhkəmləndirilməsi məqsədilə erkən nikahın və qohumlar arasında nikahın mənfi nəticələrinə dair maarifləndirmə qaydası”ndan irəli gələn məsələlərin icrasının təmin edilməsi məqsədilə 17 nömrtəli tam orta məktəbin VIII və İX sinif valideynləri ilə ,,Reproduktiv sağlamlıq”mövzusunda maarifləndirici söhbət təşkil edildi.Məktəbin direktoru Nazilə Əliyeva valideynlərin nəzərinə çatdırdı ki,bu təlimin əsas məqsədi valideynlərlə birgə uşaqların təhsili və tərbiyəsinə aid problermlərin həlli yolarını axtarıb tapmaqdır.Həmçinin valideynlərin maarifləndirilməsi,onların sinfin həyatında iştiraka stimullaşdırmaq,şagirdlərin tərbiyəsinə görə məsuliyyət hissini artırmaqdır.Müzakirə edəcəyimiz suallar belədir:Valideynlər və onların övladları yeniyetməlik dövrü böhranını necə qarşılamalıdırlar? Bu böhran zamanı münasibətləri, qarşılıqlı anlaşmanı və inamı necə qorumaq lazımdır? Yeniyetmələrlə reproduktiv sağlamlıq, əks cinslər arasında münasibətlər, sevgi, dostluq barədə necə danışmaq lazımdır? Bu  mövzular haqqında valideynlərə geniş məlumat verildi və bu mövzular ətrafında müzakirələr aparıldı.Sonda valideynləri maraqlandıran suallar cavablandırıldı və mövzuya həsr olunmuş videoçarxlar nümayiş etdirildi.

  19 apreldə “ Ümumdünya Kitab və Müəlliflik Hüququ Günü” münasibətilə Respublikanın rayon və şəhərlərində ümumi təhsil müəssisələrinin iştirakı təmin olunmaqla keçirilən kütləvi “Oxu günü”nə həsr olunmuş bədii qirayət tədbirini kitabxana əməkdaşları Sevil Qurbanova, Fatma Quluzadə və az dili müəllimi Şəbnəm Babayeva VI,,G” sinif şagirdlərinin iştirakı ilə təşkil etmişlər.Məktəblilər kitabxana ilə tanış oldular, oxu və qiraət zalını gəzdilər və sinif otağında Nizami Gəncəvinin kitablarının müzakirəsi zamanı kitabxanaçılar şagirdlərə maraqlı məlumatlar verdi.Gələcəkdə şagirdlərin məktəb kitabxanasından necə səmərəli istifadə edə biləcəkləri haqda söhbət açdılar.Məktəbliləri maraqlandıran suallar cavablandırıldı və bu tədbirdən  məktəblilər çox razı qaldılar.

Bakı Şəhəri üzrə Təhsil İdarəsinin tabeliyindəki ümumi təhsil müəssisələri üzrə I sinfə qəbul prosesində prioritet tətbiq olunacaq məktəblərin siyahısı açıqlanıb.

Belə ki, məktəblərə şagird qəbulu sərbəst formada və prioritetə (üstünlük hüququ) əsasən aparılacaq. Sərbəst formada şagird qəbulu aparılan məktəblərə valideynlər şəxsi kabinet vasitəsilə məktəb və müəllim seçimini birbaşa edəcəklər. Prioritet (valideyn və ya uşağın məktəbin müəyyənləşdirilmiş ərazisinə (dislokasiya) qeydiyyatı olmalı, bacı-qardaşı həmin məktəbdə hazırda təhsil almalı, valideynlərindən biri həmin məktəbdə çalışmalı) üzrə valideynlər isə ilk növbədə müəyyən edilmiş müddətdə (Azərbaycan bölməsi üzrə 3 may-3 iyun 2024-cü il, tədrisi digər dillərdə aparılan bölmələr üzrə isə 12 iyun-12 iyul 2024-cü il tarixlərində) üstünlük hüquqlarından biri əsasında  sorğu yerləşdirə bilərlər. Prioritetlərin tətbiqi yaşayış sıx olan ərazilərdə valideynlərin məktəb seçimini asanlaşdırmaq məqsədlərinə xidmət edir.

Qeyd edək ki, müvafiq müddət başa çatdıqdan sonra üstünlük hüququ tətbiq olunan məktəblərdə boş qalan şagird yerlərinə sərbəst qəbul (tədrisi digər dillərdə olan və müsabiqə yolu ilə qəbul aparılan liseylər istisna olmaqla) aparılacaq.

Məlum olduğu kimi, mayın 1-də 2024-2025-ci tədris ili üzrə ümumi təhsil müəssisələrinin birinci siniflərinə şagird qəbulu üzrə uşaqların qeydiyyatına www.mektebeqebul.edu.az elektron portalı vasitəsilə start veriləcək.

Prioritet tətbiq olunan məktəblərin siyahısı:

Azərbaycan bölməsi üzrə üstünlük hüququ tətbiq olunan məktəblər

Tədrisi digər dillərdə aparılan bölmələr üzrə üstünlük hüququ tətbiq olunan məktəblər

  18 apreldə  17 nömrəli tam orta məktəbdə Heydər Əliyev adına Hərbi İnstitutun əməkdaşı polkovnik Elşən Kərimovla məktəbin IX,X və XI sinif şagirdləri arasında görüş keçirildi.Görüşün əsas məqsədi məzunları bu ali məktəblə,onun elmi-texniki bazası ilə yaxından tanış etmək idi.Tədbirdə çıxış edən cənab polkovnik məktəbin məzunlarının gələcəkdə düzgün peşə seçmələri və ali hərbi məktəbdə yaradılmış şərait haqqında geniş məlumat verdi.Səmimi görüş çərçivəsində keçirilən bu tədbirdə məzunları maraqlandıran suallar cavablandırıldı.SonraHeydər Əliyev adına Hərbi İnstitut haqqında prezentasiya təqdim olundu.Ali Hərbi İnstitutun 3 fakültəsində (Quru Qoşunları və Ümumfənlər fakültəsi, Hərbi Hava Qüvvələri fakültəsi və Hərbi Dəniz Qüvvələri fakültəsi) 23 hərbi ixtisas üzrə zabit kadrları hazırlanır. Burada hərbi ixtisaslarla yanaşı, təhsilalanlara ali təhsil pilləsinin bakalavriat səviyyəsi üzrə “sistemlər mühəndisliyi”, “aerokosmik mühəndislik”, “radiotexnika və telekommunikasiya mühəndisliyi”, “elektrik və elektronika mühəndisliyi” və “mexanika mühəndisliyi” ixtisasları üzrə mütəxəssislər hazırlanır.Məktəbin məzunlarına təhsil aldıqları ixtisaslara uyğun «bakalavr» diplomu və «leytenant» hərbi rütbəsi verilir.