MƏKTƏBDƏ METODBİRLƏŞMƏ SƏDRLƏRİ İLƏ İCLAS KEÇİRİLDİ
29 oktyabrda məktəb rəhbərliyinin iştirakı ilə metodbirləşmə sədrlərinin iclası keçirildi. İclasda təhsildə olan yeniliklər, məktəbdaxili qiymətləndirmə zamanı işin təşkili və aparılması haqqında məktəbin təlim-tərbiyə işləri üzrə direktor müavini Bəturə Saniyeva məlumat verdi. Metodbirləşmələrin illik planlarına əsasən işin daha səmərəli təşkili, qarşiya qoyulan vəzifələr və zamanın tələblərinə uyğun məsələlər müzakirə edildi. Məktəbin direktoru Nazilə Əliyeva çıxış edərək 2019/2020-ci tədris ilində qarşıda duran vəzifələr, görüləcək işlər barədə ətraflı məlumat verdi. Sonra məktəbdə fəaliyyət göstərən metodbirləşmə sədrlərinin çıxışları dinlənildi, müzakirələr aparıldı, fikir mübadiləsi edildi.
