MƏKTƏBİN MÜƏLLİM VƏ VALİDEYİNLƏRİ ARASINDA İDMAN YARIŞI KEÇİRİLDİ
11 mayda "Ümummilli Lider H.Əliyevin 96 illik yubileyi”nə həsr olunmuş idman yarışı məktəbin müəllim və müəllim valideylərindən təşkil edilmiş komandaları arasında keçirildi. Sinif müəllimi Samirə Xəlilova tərəfindən təşkil edilmiş bu estafet yarışları müəllim və valideynlər tərəfindən çox maraqla qarşılandı. Tədbirdə Olimpiya Mədəniyyəti və Təhsil proqramının eksperti Mərziyyə Axundova, müdiriyyət, müəllimlər və valideynlər iştirak edirdilər. Komandalar arasında keçirilən yarış 5 hissədən ibarət idi. Oyun sağlam rəqabət əsasında keçirilirdi. Finalda valideynlər komandası qalib gələrək münsiflər heyəti tərəfindən kubokla təltif edildi.
