17 №-li tam orta məktəb

11 mayda "Ümummilli Lider H.Əliyevin 96 illik yubileyi”nə həsr olunmuş "Şən startlar” idman yarışı məktəbin 3"C” sinif şagird və valideylərindən təşkil edilmiş "Zvezda” və ,,Lider” komandaları arasında keçirildi. Sinif müəllimi Samirə Xəlilova tərəfindən təşkil edilmiş bu estafet yarışları  şagird və valideynlər tərəfindən çox maraqla qarşılandı. Tədbirdə Olimpiya Mədəniyyəti və Təhsil proqramının ekspertləri Mərziyyə Axundova, Hüseyn Hüseynov, müdiriyyət, valideynlər iştirak edirdilər. Final mərhələsində komandalar arasında keçirilən yarış 5 hissədən ibarət idi. Bu yarışmada şagirdlər fiziki güc və bacarıqlarını nümayiş etdirərək, qələbə uğrunda mübarizə aparırdılar. Oyun sağlam rəqabət əsasında keçirilirdi. Yarışmaarası müddətdə şagirdlər öz musiqi təqdimatları ilə iştirakçılara dəstək oldular. Finalda "Lider” komandası I yerə, "Zvezda” komandası isə II yerə layiq görülərək münsiflər heyəti tərəfindən diplomlarla təltif edildi.