IX SİNİF ŞAGİRDLƏRİ İLƏ PEŞƏYÖNÜMLÜ TƏHSİL VƏ PEŞƏ SEÇİMİ MÖVZUSUNDA GÖRÜŞ KEÇİRİLDİ
06 mayda 17 nömrəli tam orta məktəbdə 9,,E" və 9,,D" sinif şagirdləri ilə peşəyönümlü təhsil və peşə seçimi mövzusunda görüş keçirildi. Tərbiyə işləri üzrə təşkilatçı Tahir Həmzəyev tərəfindən təşkil edilən bu görüşdə Turizm və Sosial Xidmətlər üzrə Bakı Dövlət Peşə Təhsil Mərkəzinin əməkdaşı Pərvanə Bağırova iştirak edirdi.Görüşün əsas məqsədi IX sinif məzunlarını “Turizm və Sosial Xidmətlər üzrə Bakı Dövlət Peşə Təhsili Mərkəzi” və onun maddi–texniki bazası ilə yaxından tanış etmək idi.Peşəyönümlü təhsilə həsr olunmuş görüşlər gənc nəslin əmək bazarına uyğun düzgün peşə seçiminə dəstək verilməsi, əmək bazarında olan peşələr,işəgötürənlərin peşə və ixtisaslara tələbləri barədə onların məlumatlandırılması məqsədi daşıyır.Səmimi görüş çərçivəsində keçirilən bu tədbirdə şagirdləri maraqlandıran suallar cavablandırıldı.Tədbir iştirakçıları keçirilən bu görüşdən xoş təsərrüatlarla ayrıldılar.
