"YARADICI MÜƏLLİM: YARADICI TƏTBİQETMƏ" TƏQDİMAT MÜSABİQƏSİNİN QALİBLƏRİ BƏLLİ OLUB
Bakı Şəhəri üzrə Təhsil İdarəsi (BŞTİ) tərəfindən keçirilən "Yaradıcı müəllim: yaradıcı tətbiqetmə" təqdimat müsabiqəsinin qalibləri bəlli olub. Məktəbin ibtidai sinif müəllimi Elmira Ağayeva həvəsləndirici yerə layiq görülüb. Qeyd edək ki, müsabiqənin keçirilməsində əsas məqsəd qabaqcıl təcrübəyə malik yaradıcı, yenilikçi müəllimlərin aşkara çıxarılması, onların təcrübələrinin təbliğ edilməsi və qabaqcıl müəllimlər bazasının yaradılması, eyni zamanda ümumi təhsilin keyfiyyət göstəricilərinin yaxşılaşdırılması ilə bağlı aktual məsələlərə diqqətin artırılması, təhsil işçilərinin müvafiq rəy və mülahizələrinin öyrənilməsindən ibarətdir. Yaradıcı müəllimimizi təbrik edir, bu şərəfli yolda uğurlar arzu edirik.
