“2 FEVRAL-AZƏRBAYCAN GƏNCLƏR GÜNÜ”NƏ HƏSR OLUNMUŞ SEMİNAR KEÇİRİLDİ
2 fevralda 17 nömrəli tam orta məktəbdə ,, 2 fevral-Azərbaycan Gəncləri Günü”nə həsr olunmuş seminar 10,,B”,10,,C” və 11 ,,Ə” sinif şagirdlərinin iştirakı ilə Azərbaycan dili müəllimləri Əsmər Boliyeva və Ülfət Mustafayeva tərəfindən təşkil edildi.Onlar qeyd etdilər ki, gənclərimiz ulu öndərimiz Heydər Əliyevin onlara ən böyük hədiyyəsi olan bu günün təsis edilməsinin 26 illiyini qalib ölkənin məğrur və qürurlu vətəndaşları kimi sonsuz ruh yüksəkliyi ilə qeyd edirlər.Azərbaycan dövlətinin fəaliyyətinin ən mühüm istiqamətlərindən biri kimi dəyərləndirən ümummilli lider Heydər Əliyev tərəfindən əsası qoyulmuş dövlət gənclər siyasəti ölkə gəncliyinin inkişafında dərin izlər buraxıb.Ulu Öndərin 1997-ci il fevralın 2-də imzaladığı Fərmana əsasən,hər il fevralın 2-si Azərbaycan Gəncləri Günü elan edilmişdir.
Bu gün hər birimiz fəxr edirik ki, Müzəffər Ali Baş Komandanın qətiyyəti və uzaqgörən rəhbərliyi, rəşadətli Azərbaycan Ordusunun peşəkarlığı və qələbə əzmi, xalqımızın mətanəti sayəsində torpaqlarımız işğaldan azad edilib. Azad edilən torpaqlarımızda görüləcək quruculuq-abadlıq işlərində, doğma diyarımızın yenidən çiçəklənməsində gənclərimizin də iştirakı mühüm əhəmiyyət kəsb edir.Azərbaycan gənclərinin ölkə həyatında yüksək fəallığı, vətənpərvərliyi,dövlətə və Vətənə bağlılığı gənclərimizin bu prosesdə də fəal iştirak edəcəklərini deməyə güclü əsas yaradır.Sonda şagirdlərə ,,Azərbaycan Gənclər Günü” ilə yanaşı 44 günlük Vətən müharibəsini və tarixi qələbəmizi əks etdirən sənədli film nümayiş olundu.
