,,ZƏFƏR GÜNÜ”NƏ HƏSR OLUNMUŞ ƏDƏBİ-BƏDİİ KOMPOZİSİYA TƏŞKİL EDİLDİ
03 noyabrda 17 nömrəli tam orta məktəbin akt zalında ədəbiyyat müəllimləri Şölə Qurbanova və Kəmalə Zamanovanın təşkilatçılığı ilə "8 Noyabr-Zəfər Günü"nə həsr olunmuş ədəbi-bədii kompozisiya təşkil edildi.İlk olaraq torpaqlarımızın azadlığı uğrunda canlarını qurban vermiş qəhrəman vətən övladlarının xatirəsi bir dəqiqəlik sükutla yad edildi.Sonra Azərbaycan Respublikasının Dövlət Himni səsləndirildi.Tədbirdə məktəbin müdiriyyəti, müəllimlər, valideynlər, şəhid Orucov Orxanın anası Fərqanə xanım,Azərbaycan Qarabağ Müharibəsi Əlilləri Veteranları və şəhid Ailələri İctimai birliyi sədri Bəhram Şeydayev,II Qarabağ vətən müharibəsində iştirak etmiş məzunlar Tural Əsgərov,Rüstəm Qurbanov,Murad Mirzəzadə,Dilqəm Məmmədov və şagirdlər iştirak edirdilər.Ədəbi-bədii kompozisiyada şagirdlər tərəfindən mahnılar ifa edildi,şeirlər səsləndirildi,rəqs və kompozisiyalar göstərildi.Daha sonra məktəbin direktoru Nazilə Əliyeva çıxış edərək xalqımızın düşmən üzərində çaldığı tarixi zəfər haqqında tədbir iştirakçılarını məlumatlandırdı və onları təbrik etdi.Qonaq qismində iştirak edən şəhid anası Fərqanə xanım,II Qarabağ müharibə veteranı Tural Əsgərov öz təəssüratlarını tədbir iştirakçıları ilə bölüşdü və bu böyük gün münasibəti ilə onları ürəkdən təbrik etdi.Veteranlar birliyinin sədri Bəhram müəllim bir sıra müəllimləri medal və fəxri fərmanla təltif etdi.Torpaqlarımızın azadlığı uğrunda şəhid olanların əziz xatirəsinin qəlblərdə əbədi yaşayacağı vurğulandı.
