“BƏRK MƏİŞƏT TULLANTILARI VƏ PLASTİK QABLAŞDIRMA TULLANTILARININ ƏTRAF MÜHİTƏ MƏNFİ TƏSİRİ” MÖVZUSUNDA SEMİNAR-DƏRS KEÇİRİLDİ
17 nömrəli tam orta məktəbdə 8”A”sinfində Tİ üzrə direktor müavini Tahir Həmzəyevin təşkilatçılığı ilə“Bərk məişət tullantıları və plastik qablaşdırma tullantılarının ətraf mühitə mənfi təsirinin azaldılması” mövzusunda seminar-dərs keçirildi. Dərsin keçirilməsində əsas məqsəd bərk məişət tullantılarının və plastik qablaşdırma tullantılarının ətraf mühitə təsiri, təbiətin çirklənməsi, təbiəti mühafizə etməyi nümayiş etdirmək idi. Bu haqda şagirdlər hazırladıqları təqdimatları, videoçarxları, informasiya materiallarını təqdim edərək, ətraf mühitin çirklənməsi və onun qarşısının alınması haqqında məruzələrlə çıxış etdilər.Tahir müəllim sinif şagirdləri ilə birgə bərk və plastik tullantılar mövzusu ətrafında müzakirələr apardı. Şagirdlər ekoloji problemlər və onların qarşısının alınması üsulları haqqında məlumat verdilər.
