Yay məktəbində rəsm dərsi təşkil edildi
24 iyunda 17 nömrəli tam orta məktəbdə “Yay məktəbi” ndə 3b sinif şagirdləri ilə sinif müəllimi Aytən Mütəllimova və təsviri incəsənət müəllimi Mərcanə Qurbanova açıq havada rəsm dərsi təşkil etdilər. Balaca fidanlar çəkdikləri rəsmlərdə öz fantaziya və təxəyyülünə uyğun olaraq maraqlı kompozisiyalar yaratdılar. Təşkil olunan bu cür dərslər şagirdlərin incə zövqünün, yaradıcılıq qabiliyyətinin, bacarıqlarının üzə çıxarılıb inkişaf etdirilməsində böyük rol oynayır. Dərs şagirdlər tərəfindən çox maraqla qarşılandı.
