V – IX siniflər üzrə əyani dərslər bərpa olundu
Fevralın 15-dən Bakı Şəhəri üzrə Təhsil İdarəsinin (BŞTİ) tabeliyindəki 17 nömrəli tam orta məktəbin V-IX siniflərində əyani tədrisə start verildi. Bakı ümumtəhsil məktəblərində olduğu kimi, məktəbdə əyani təhsil V-IX siniflərdə həftədə 2 dəfə, ibtidai siniflərdə həftədə 3 dəfə, məktəbəhazırlıq qruplarında həftədə 2 dəfə və həftənin başqa günləri onlayn dərslər təşkil olunur. Qeyd edək ki, əyani tədris zamanı şagird sayı çox olan siniflər qruplara bölünür. Mövcud sanitar-epidemioloji vəziyyətlə əlaqədar məktəbə daxil olan zaman müəllim və şagirdlərin hərarəti ölçülür, məktəblilər arasında sosial məsafənin qorunması təmin olunur.
