İlk dərslər 20 Yanvar faciəsinin 31-ci ildönümünə həsr edildi
19 yanvarda 20 Yanvar faciəsinin 31-ci ildönümünə həsr olunmuş ilk dərslər keçirildi . Dərslər Azərbaycan Respublikasının Dövlət himni ilə başlandı, şəhidlərin ruhu bir dəqiqəlik sükutla yad edildi. Sonra müəllimlər Kəmalə Zamanova 3 “C”, Şəbnəm Babayeva 5 “Ə”, Tacirə Axundova 6 “A”, Gülxarə Mehdiyeva 6 “D” və Sevinc Pur-Riza 8 “Ç” sinif şagirdlərinə həmin gecədə baş verən hadisələr, qanlı vəhşiliklər haqqında məlumat verdilər. Qanlı 20 Yanvar faciəsi xalqımıza müstəqillik, azadlıq bəxş etməsinə baxmayaraq biz bu qanlı tarixi unutmur, şəhidlərimizi böyük qürurla yad edirik.
Sonda şagirdlər “20 Yanvar”, “Vətən”, ”Şəhidlər Xiyabanı”, ”Şəhidlər”, o günün çiçək yağışı olan “Qərənfillər” haqqında şeirlər söylədilər, 20 Yanvar faciəsinə həsr olunmuş şəkilləri nümayiş etdirdilər.
