Yeni il və Azərbaycanlıların Həmrəylik gününə həsr olunmuş tədbir keçirildi
28 dekabrda 17 nömrəli tam orta məktəbdə Yeni il və Dünya Azərbaycanlılarının Həmrəyliyi gününə həsr olunmuş tədbir təşkil edildi. Tədbir sinif müəllimi İrina Hacıyevanın rəhbərliyi və 3 “B” sinif şagirdlərinin iştirakı ilə keçirilmişdir. Tədbir zamanı balaca fidanlar “Yeni il nağıllarına səyahət” mövzusu ilə bağlı şeirlər, mahnılar söyləmişlər. Şaxta baba və Qar qızın gəlişini sevinclə qarşılayan uşaqlar onlarla birlikdə əylənmiş, rəqslər nümayiş etdirmişlər. Şaxta baba və Qar qız uşaqlara dərslərində uğurlar arzulamış və hər kəsə hədiyyələr təqdim etmişlər.
