Şagirdlərin asudə vaxtlarının səmərəli təşkili: Dövlət Bayrağı Muzeyinə ekskursiya
Şagirdlərin asudə vaxtlarının düzgün və səmərəli təşkili onların intellektual, emosional və vətənpərvərlik hisslərinin formalaşmasında mühüm rol oynayır. Bu baxımdan ekskursiyalar, xüsusilə də tarixi və mədəni obyektlərə edilən səfərlər böyük əhəmiyyət daşıyır.
Belə ekskursiyalardan biri də 2ç sinif rəhbəri Məmmədova Nuridə tərəfindən "Dövlət Bayrağı Muzeyi"nə təşkil edilmişdir. Ekskursiyanın əsas məqsədi şagirdlərdə dövlət rəmzlərinə hörmət hissini artırmaq, onların milli kimlik və vətənpərvərlik duyğularını gücləndirmək olmuşdur.
Ekskursiya zamanı şagirdlər Azərbaycan bayrağının yaranma tarixi, simvolların mənası və bayrağımızın keçdiyi şərəfli yol haqqında ətraflı məlumat almış, muzeyin ekspozisiyaları ilə tanış olmuşlar. Muzeydə nümayiş etdirilən bayraqlar, sənədlər və fotomateriallar uşaqlarda böyük maraq doğurmuşdur.
Belə ekskursiyalar şagirdlərin dünyagörüşünü genişləndirir, onları bilikli və vətənini sevən bir fərd kimi formalaşdırır. "Dövlət Bayrağı Muzeyi"nə edilən bu ekskursiya uşaqlar üçün həm öyrədici, həm də mənəvi zənginlik baxımından faydalı olmuşdur.
