"Salam" BYFF-da şagirdlərimizin iştirakı
28-31 avqust tarixlərində Bakıda Azərbaycan Respublikası Mədəniyyət Nazirliyinin, Elm və Təhsil Nazirliyinin dəstəyi, həmçinin "PAŞA Holdinq"in baş sponsorluğu ilə "Nərimanfilm" kinostudiyası tərəfindən "Salam" Beynəlxalq Yeniyetmə Film Festivalı keçirilmişdir.
Festivalda məktəbimizin şagirdləri də iştirak etmişlər. Festival ərzində müxtəlif ölkələrin filmlərinin nümayişi, rejissor və aktyorlarla görüşlərin keçirilməsi, eləcə də yeniyetmələr tərəfindən çəkilmiş qısa video çarxların ekranda nümayiş etdirilməsi şagirdlərimizdə xoş təəssürat yaratmışdır.
"Salam" BYFF - nın əsas məqsədi Azərbaycan və digər ölkələrin yeniyetmələri arasında dostluq əlaqələrinin yaradılması, Vətənimizin mədəniyyətinin təbliği, gənclliyimizin ümumdünya mənəvi dəyərlərinə uyğun tərbiyə olunması, həmçinin, festivalda keyfiyyətli, professional bədii filmlərin nümayişi sayəsində yeniyetmələrdə yüksək bədii zövqün inkişaf etdirilməsinə zəmin yaradılmasıdır.
