Coğrafiya fənnindən bilik yarışı keçirildi
Məktəbin fəaliyyət planına uyğun olaraq coğrafiya fənnindən təlim-tərbiyə işləri üzrə direktor müavini Valeh İsmayılov və coğrafiya müəllimi İsmayılova Nərgiz müəllimin təşkilatçılığı ilə 6-cı sinif şagirdləri arasında "Bilik yarışı" keçirildi.
İntellektual bilik yarışının keçirilməsində məqsəd tədrisin keyfiyyətinin, şagirdlərin müvafiq fənlər üzrə bilik, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması, şagirdlərin elmə, maarifləndirici yarışlara marağının artırılması və yeni biliklər qazandırmaqdır.
Qalib komanda turlar üzrə qazanılmış ümumi xallar əsasında müəyyən edildi. Maraqlı və gərgin mübarizə şəraitində keçən yarışda 6ç sinfi digər komandalardan yüksək nəticə göstərərək qalib gəldi.
