"Novruz gəlir, yaz gəlir!" adlı tədbir
Novruz xalqımızın mədəniyyətini, milli mənəvi dəyərlərini özündə əks etdirən, dünyaya tanıtdıran qədim el bayramıdır. Qədim tarixə malik Novruz həm də əcdadlarımızın bizə töhfəsi, onlardan qalan mirasdır. Bu bayram sülh və əmin-amanlığın təmin olunması, insanlar arasında birlik və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam təməllər yaradıb.
Məktəbimizdə də Novruz bayramı "Novruz gəlir, yaz gəlir!" adlı bayram tədbiri ilə qeyd olundu. Şagirdlərin iştirakı ilə gözəl mahnı və rəqs nömrələri, “Arşın mal alan” kompozisiyası, şeirlər və haxışdalar, Kosa və Keçəlin məzəli söhbətləri hər kəsdə gözəl bayram əhval-ruhiyyəsi yaratdı.
