162 №-li tam orta məktəb

Yusifin uğuru162 nömrəli məktəbin 3 "Ç" sinif şagirdi Əliquliyev Yusif 31 Mart - azərbaycanlıların soyqırımı gününə həsr olunmuş kikboksinq üzrə klublararası yarışda 2010-2011-ci il təvəllüdlü idmançılar içərisində nümunəvi oyun nümayiş etdirərək, 1- ci yerin qalibi olmuşdur.

Esse yarışmasının qalibi162 nömrəli məktəbin rus bölməsinin 5 "R" sinif şagirdi Rəvan Məhərrəmli İnternational Academy of Literature and Journalism tərəfindən keçirilmiş beynəlxalq yarışmada Azərbaycanın Milli Qəhrəmanı Mübariz İbrahimov haqqında yazdığı esseyə görə I dərəcəli diploma layiq görülmüşdür. Rəvan eyni zamanda "Gənc mühəndis" layihəsinin də iştirakçısıdır. İstedadlı şagirdimizin "Kosmik cihazlar" mövzusunda hazırladığı maket hal-hazırda sərgidə nümayiş olunmaqdadır.

Beynəlxalq rəqs festivalının qalibi3 "B" sinif şagirdi Nigar Cabbarlını 162 nömrəli məktəbin kollektivi dərs əlaçısı kimi tanıyır. Bu dəfə isə sizə Nigarın yaz tətili günlərində qazandığı daha bir uğuru haqda məlumat vermək istəyirik. İstedadlı şagirdimiz martın 26-da baharın gəlişi münasibəti ilə Bakı şəhərində uşaq və gənclər arasında keçirilən folklorun təbliğinə həsr olunmuş beynəlxalq rəqs festivalında iştirak etmişdir. Gürcüstan, İran, Rusiya, Türkiyə və s. ölkələrin rəqs kollektivlərinin iştirak etdiyi yarışmada Nigar 4-cü yerin qalibi olmuşdur. Öz qələbə sevincini sinif yoldaşları ilə bölüşən Nigar onlara yarışlara qatılaraq qələbə qazanmağın hər kəsin öz əlində olduğunu söyləyir. Nigar inanır ki, həvəslə görülən hər bir işin sonda mütləq qalibiyyətlə nəticələnir.