Məktəbtəbimizdə iməclik işləri aparıldı
Bakı Şəhəri üzrə Təhsil İdarəsinin müvafiq məktubuna əsasən may ayının 1 –dən may ayının 10 –na kimi ümumtəhsil məktəblərində iməclik işləri aparılacaq.
Ekoloji tarazlığın bərpası və ətraf mühitin təhlükəsizliyinin, insanların sağlamlığının təmin edilməsi işlərinin davamı olaraq məktəb binalarının, həyətyanı sahələrin iməcliyinin təşkili ilə əlaqədar məktəbimizin şagird, müəllim kollektivi təmizlik və abadlıq işləri apardı.
Şagirdlər sinif otaqlarını səliqəyə saldı, dibçək güllərinə qulluq etdi, yazılmış və çirklənmiş partaların təmizlənməsində texniki heyətə yaxından köməklik göstərdilər.
Məktəbin həyətyanı sahəsində torpaq qatı işçilər tərəfindən belləndi və tullantılardan təmizləndi.
Məktəb kollektivinin həvəslə apardığı təmizlik və abadlıq işləri zamanı təhlükəsizlik qaydalarına ciddi nəzərət edildi.
