Yetkinlik dövrü üzrə maarifləndirmə proqramı təşkil olundu
Bakı Şəhəri üzrə Təhsil İdarəsinin təşkilatçılığı ilə Sağlam həyat mərkəzinin həkimi Arzu xanım VI sinif yeniyetmə qızlarla Yetkinlik dövrü üzrə maarifləndirmə proqramı təşkil olundu.
Seminarda məktəbin direktoru Ruhiyyə İbrahimova, direktor müavini Rəfiqə Hcıyeva, psixoloq Nigar Rüstəmzadə, UBR –Arzu Məmmədova, məktəbin tibb bacısı Məryəm Həsənova və sinif rəhbərləri iştirak edirdi.
Yeniyetməlik dövrü insanın ən çətin psixoloji mərhələlərindən hesab olunur. Psixoloji nöqteyi –nəzərdən yeniyetməlik mərhələsi hər kəsdə fərqli keçir.
Yeniyetməlik dövrü 11 – 12 yaşdan başlayaraq 14 –15 yaşadək orta məktəbin V – VII sinif şagirdlərini əhatə edir. 11 –13 yaşlı oğlan və qızları adətən kiçik yeniyetmə, 13 –15 yaşlıları isə böyük yeniyetmə adlandırırlar, lakin yeniyetməlik dövrünün başlanmasına və qurtarmasına dəqiq sərhəd qoymaq olmaz.
