Nümunəvi dərs keçirildi
1b sinfində Vəfa Məmmədova nümunəvi dərs keçdi. Mövzu "B“ hərfi idi.
Dərsdə məktəbin direktoru Ruhiyyə İbrahimova, direktor müavinləri Rəfiqə Hacıyeva, Məhluqə Bayramova, fənn müəllimləri Natəvan Nəsirova, Könül Səfərova, Nərmin Hüseynova, Nisə Sadıqova və Günay Əhmədova iştirak edirdilər.
Dərs nağıl əsasında qurulmuşdu. Uşaqlar hərf qatarını qarşılamaq üçün suallara cavab verməli, küpəgirən qarının tilsimini qırmalı idilər. Körpə fidanlar bunun öhdəsindən məharətlə gəldilər. Onlara verilən tapşırıqlarda “B” səsinin sözün daxilində yerini müəyyən etdilər.
“B” hərfinin yazılış qaydası ilə tanış oldular. Səs, hərf, heca anlayışları ilə bağlı biliklərini nümayiş etdirdilər. Dərsin sonunda Activexpression qurğularından məharətlə istifadə edən birincilər öyrəndiklərini test tapşırıqlarının köməyilə nümayiş etdirdilər.
