Müəllimlər günü adlı tədbir
8c sinfində “Müəllimlər günü” adlı tədbir keçirildi. Tədbirdə məktəbin direktoru Ruhiyyə İbrahimova, direktor müavini Məhluqə Bayramova, təşkilatçı rəhbər Rəfiqə Hacıyeva, UBR – rəhbəri Arzu Məmmədova, dil ədəbiyyat müəllimləri, kitabxanaçılar, valideynlər və digər müəllim kollektivi iştirak edirdi.
“Hər birimizdə müəllimin hərarətli qəlbinin bir zərrəciyi var. Mən dünyada müəllimdən şərəfli ad tanımıram” deyən Ümummilli Lider Heydər Əliyev Azərbaycana rəhbərlik etdiyi bütün illərdə müəllim əməyini yüksək qiymətləndirib onlara böyük hörmətlə yanaşıb, təhsil işçilərini, maddi vəziyyətinin rifah halının yaxşılaşdırılmasının qayğısına qalıb.
O deyərdi: Hər kəs öz tərcümeyi halı, öz həyat yolu ilə məktəbin, müəllimlərin insanın həyatında nə kimi rolu olduğunu bilir və onu qiymətləndirməlidir. Mən isə bütün varlığımla keçdiyim həyat yolu ilə həmişə məktəbə,müəllimə borcluyam.
Müəllim – zülməti yaran nur,cəhaləti elmin qılıncıyla yox edən, elmi öyrətməklə həyatını şam kimi əridən, qəlblərdə əbədi həyat quran şəxsiyyətdir.
