BİLİK GÜNÜ
Azərbaycan Respublikasının Dövlət himninin səsləndirilməsi ilə başlayan tədbirdə müəssisə rəhbəri direktor İbrahimova Ruhiyyə Telman qızı çıxış edərək yeni tədris ilində qarşıya qoyulan məqsədlərdən, təhsil sahəsində aparılan islahatlardan söz açdı. Məktəb məzunlarının qəbul imtahanlarındakı uğurlarından bəhs etdi. Sonra məktəblilərin iştirakı ilə mahnılar və rəqslərdən ibarət konsert proqramı təqdim edildi.
İnsan həyatında elə müqəddəs günlər olur ki, yaşının hansı çağında olursan ol, o gün qəlbinin, şüurunun əbədi yaddaşına dönür. Bilik günü - bu gün, bu tarix bizi körpəlikdən alan, bizi həyatın qoynuna atan adını belə adlandıra bilmədiyimiz təmiz, saf hisslərin toxunulmaz anıdır. Bu gün – Respublika Bilik günüdür. Bütün orta və ali məktəblərin, şagird, tələbə və müəllim heyəti bu əziz günü layiqincə qeyd etməyə çalışdılar.
Tədbirlərdən sonra 5 günlük tədris həftəsi tətbiq olunan məktəblərdə şagirdlər, xüsusilə də birinci sinif şagirdləri müəllimlərlə görüşüb, sinif otaqları, dərs cədvəli ilə tanış olub, siniflərin növbəliliyi barədə məlumatlandırılıblar.
