"Oxu həftəsi"nə həsr edilmiş " Açıq dərs"
“Oxu həftəsi ilə bağlı” keçirilən silsilə tədbirlərindən biri 9a sinfində Anarın “Keçən ilin son gecəsi” əsərinin müzakirəsinə həsr edilmiş “Açıq dərs” idi. Müzakirədə məktəbin direktoru Qənirə Sultanova, təlim - tərbiyə işləri üzrə direktor müavini Mənzərə Abbasova, tərbiyə işləri üzrə direktor müavini Rəfiqə Hacıyeva, məktəbin kitabxanaçılarından Həsənova Kifayət və Cəfərova Kifayət iştirak etmisdir. Müzakirəni giriş sözü ilə fənn müəllimi Əzizov Ağazadə açmışdır. Sonra şagirdlər əsərlə bağlı öz fikirlərini bildirmişlər. Dramaturq ilin son günü yaşanan həyəcanı bir ailənin timsalında ciddi mənəvi - əxlaqi problemlərə toxunmağı üstün bilmişdir. “Yeni il gecəsində ana niyə tək qalmalıdır ?" sualı və bu tipli suallar əsas müzakirə mövzusu olmuşdur. “Keçən ilin son gecəsi” filminin nümayişi müzakirəni bir az da maraqlı etmişdir. Sonda çıxış edən məktəbin direktoru Qənirə Sultanova öz tövsiyələrini vermişdir.
