"Şəhidlər unudulmaz!" mövzusunda tədbir təşkil olundu
19.01.2024-cü il tarixində kitabxana müdiri Kifayət Cəfərova və kitabxanaçı Kifayət Həsənovanın təşkilatçılığı ilə məktəbin kitabxanasında 20 Yanvar faciəsinin otuz dördüncü ildönümünə həsr olunmuş "Şəhidlər unudulmaz!" mövzusunda tədbir təşkil olundu.
5c sinif şagirdlərinin iştirakı ilə keçirilən tədbirdə şagirdlər 20 Yanvar - Ümumxalq Hüzn Günü münasibətilə şeirlər söylədilər, həmin günün hər bir Azərbaycan vətəndaşı üçün önəmli olmasının səbəbi nədir? sualı üzərində düşündülər və müzakirə etdilər.
Tədbirdə çıxış edən məktəbin tarix müəllimi Elza İmanova, Azərbaycan dili və ədəbiyyatı müəllimi Kəmalə Hüseynova, riyaziyyat müəllimi Rübabə Nağıyeva və UBR Arzu Məmmədova bu günün yaddaşlardan silinməyəcəyini və həmişə xalqımız tərəfindən anılacağını bildirdilər.
